Saturday, March 06, 2010

நீ விலகி சென்ற பின்பான நாட்களில்
வலிகளால் மட்டுமேயான உலகமொன்று
என்னை விழுங்கிக்கொண்டது
மரண ஓலங்களும் இரத்தத்தின் பிசுபிசுப்புகளும்
தலைக்குள் ஓயாது தொடர ஓடிக்கொண்டேயிருந்தேன்
உன் உருவங்கள்
சிரித்தபடி கொஞ்சியபடி முறைத்தபடி அழுதபடி
எப்போதுமாய் எதிர்ப்பட்டுக் கொண்டேயிருந்தன
உன் உருவங்கள் கடந்த ஒவ்வொருமுறையும்
நான் உடலெங்கும் கூர்நகங்களால் கீறிக்கொண்டேன்
தனிமைகள் தகிக்கும் வெப்பங்களை உமிழ்ந்தன
நான் மாறி மாறி
தற்கொலை செய்துகொண்டேயிருந்தேன்
உன் நினைவுகள் விலகுவதாயில்லை
நான் உன் உருவங்களைக் கொலைசெய்ய துணிந்தேன்
உன் வெவ்வேறு நிற உருவங்களுக்கு மத்தியில்
நீ சிரித்துக்கொண்டேயிருந்தாய்..

No comments: